पाटन दरबार स्क्वायरमा नगरप्रहरीको सक्रियता : मन्दिर क्षेत्रमा अवाञ्छित क्रियाकलाप प्रतिबन्ध

२५ साउन, ललितपुर ।  ललितपुर महानगरपालिकाले पाटन दरबार स्क्वायरका मन्दिरमा हुने अवाञ्छित क्रियाकलापमा रोक लगाएको छ । नगर प्रहरी प्रमुख सीताराम हाछेथुले पाटनका पुरातात्विक क्षेत्रमा बस्न र अनैतीक क्रियाकलाप गर्न रोक लगाइएको जानकारी दिए । 

उनले भने मन्दिर परिसरमा बस्नेहरुले विकृति फैलाउने खालका गतिविधि गरेकाले रोक लगाइएको हाछेथुको भनाई छ । उनले भने ‘यो विश्व सम्पदा क्षेत्र हो । यो क्षेत्रमा केटाकेटीहरू आएर अनैतिक क्रियाकलाप गर्ने चिया खाने यहीँ फाल्ने र यहाँ बस्दा खेरी यहाँका बहुमूल्य भगवानका चिजहरू सबै बाङगो टिङगो बनाएर खुट्टाले हानेर सबै बिगारेको छ । त्यसैको सुरक्षाको लागी हामी ललितपुर महानगरपालीकाले यस्तो नियम बनाएको हो ।’ 

गत शनिबारदेखि यो नियम लगाइएपनि आजदेखि थप कडाईका साथ लागु गर्न लागिएको उनले बताए । ‘यो सबैको साझाँ सम्पति भएकोले यो नियम सबैले मान्नै पर्छ । यो पूर्खाले बनाएको  सम्पत्तिलाई सुरक्षा दिनु हामी सबैको जिम्मेवारी हो । हामीले यो नियम अस्ति शनिबार देखि लागु गरेका हौं । त्यो भन्दा अगाडि यो क्षेत्रलाई लभर पोईन्टको रुपमा प्रयोग गरिएको थियो । त्यसले गर्दा वरपरको छिमेकीहरूको कम्पेलन आउने गरेको थियो ।’