शुक्रबार पनि सुनको मूल्य घट्यो, अन्यको कति ?

२६ साउन, काठमाडौं ।  चालु साताको अन्तिम कारोबार दिन  शुक्रबार पनि सुनको भाउ ओरालो लागेको छ।  शुक्रबार सुनको भाउ तोलामा २०० रूपैयाँले घटेको छ । योसँगै प्रति तोला छापावाल सुन १ लाख ११ हजार १०० रुपैयाँ र तेजाबी सुन १ लाख १० हजार ५५० रुपैयाँ कायम भएको नेपाल सुनचाँदी व्यवसायी महासंघले  जनाएको छ ।

बिहीबार पनि सुनको भाउ तोलामा ७०० रूपैयाँले घटेको थियो। यो दिन प्रति तोला छापावाल सुन १ लाख ११ हजार ३०० रुपैयाँ र तेजाबी सुन १ लाख १० हजार ७५० रूपैयाँमा कारोबार भएको थियो। 

यो साताभरि भने सुनको भाउ तोलामा १ हजार १०० रूपैयाँले घटेको छ। गत शुक्रबार प्रति तोला छापावाल सुन १ लाख १२ हजार २०० रुपैयाँ तेजाबी सुन १ लाख ११ हजार ६५० रूपैयाँमा कारोबार भएको थियो।

शुक्रबार चाँदीको भाउ पनि तोलामा ५ रूपैयाँले घटेर १ हजार ३८० रुपैयाँ कायम भएको छ। बिहीबार तोलामा १० रुपैयाँले घटेर चाँदी १ हजार ३८० रूपैयाँमा किनबेच भएको थियो। 

यो साताभरि भने चाँदीको भाउ तोलामा ५० रुपैयाँले घटेको छ। गत शुक्रबार चाँदी प्रतितोला १ हजार ४२५ रुपैयाँमा कारोबार भएको थियो।