सीआईबीको अपरेसनमा पक्राउ पर्ने डाक्टरको संख्या ८ पुग्यो

२६ साउन, काठमाडौं । नक्कली शैक्षिक प्रमाणपत्र लिएर ठगी गरेको आरोपमा ८ जना पक्राउ परेका छन् । नेपाल प्रहरीको केन्द्रीय अनुसन्धान ब्यूरो (सीआईबी) ले देशभरबाट ८ जनालाई समातेको हो । 

अपरेसनमार्फत हालसम्म आठ जना नक्कली शैक्षिक प्रमाणपत्रको आधारमा एमबीबीएस गरेको आरोपमा पक्राउ परेका छन् । नक्कली शैक्षिक प्रमाणपत्रको आधारमा एमबीबीएस पढेर मेडिकल काउन्सिलबाट डाक्टरको लागि अनुमति लिएका डाक्टरमाथि सीआईबीले बिहीबारदेखि अपरेसन चलाएको हो ।

हालसम्म पक्राउ पर्नेमा नेपाली कांग्रेसका सांसद डा सुनील शर्मा, डा.मनित चौधरी, डा. श्रद्धा सिल्पकार, रन्जितकुमार यावद, अमितकुमार यादव, रामबाबु यादव, एरिना यादव र पुनम थापा पक्राउ परेका सीआईबी प्रमुख एआईजी किरण बज्राचार्यले बताइन् । पक्राउ परेकाहरूलाई किर्ते मुद्दामा अनुसन्धानको लागि जिल्ला सरकारी वकिल कार्यालयबाट थप अनुसन्धानको लागि म्याद थप्ने तयारीमा सीआईबी रहेको छ ।