गौर हत्याकाण्डमा प्रभु साह जिम्मेवार : जसपा
नेपालबहस संवाददाता
साउन २६, २०८० शुक्रबार १५:४:६
२६ साउन, काठमाडौं । २०६३ चैत ७ मा रौतहटको गौरमा भएको हत्याकाण्डमा तत्कालीन नेकपा (माओवादी) र कार्यक्रम आयोजना गर्ने पार्टीनिकट मधेश मुक्ति मोर्चाका महासचिव प्रभु साह जिम्मेवार रहेको जसपाले आरोप लगाएको छ ।
जसपाका प्रवक्ता मनिष सुमनले शुक्रबार काठमाडौंमा पत्रकार सम्मेलन गरी यस्तो दाबी गरेका हुन् । महासचिव सुमनले गौर हत्याकाण्ड माओवादीका कारण भएको र त्यसमा जसपाका अध्यक्ष उपेन्द्र यादवको कुनै संलग्न नभएको स्पष्ट पारे ।
उनले हत्याकाण्डबारे पार्टीको १४ बुँदामा जारी विज्ञप्तिमार्फत धारणा प्रष्ट पारेका छन् । उनले २०६४ चैत २८ गतेका लागि पहिलो संविधानसभाको घोषणा भइसकेको अवस्थामा घटनाको १२ दिन पहिल्यै स्थानीय प्रशासनबाट अनुमति लिएर कार्यक्रम आयोजना गरिरहेको बेला तत्कालीन माओवादीकाे मधेश मुक्ति मोर्चाले २ दिन अघिमात्र उक्त स्थानमा सभा गर्ने निर्णय गरेर मुठभेडकाे अवस्था सिर्जना गरेको बताएका छन् ।
उनले जसपाले कार्यक्रम सुरु गरेपछि माओवादीका कार्यकर्ता हतियारसहित कार्यक्रमनजिक आएर बम विष्फोट गराएको र जसपाका कार्यकर्ता भागाभाग भएको, त्यसपछि सहभागी समुदाय र माओवादी कार्यकर्ताबीच टाढाको स्थानमा झडप भएर २७ जनाको ज्यान जाने गरी दुःखद् भएको बताए ।
त्यस घटनामा प्रभु साह जिम्मेवार हुनुपर्ने उनको भनाइ छ । हत्याकाण्डलाई लिएर सरकारले यही साउन २३ गते पीडित पक्षका संघर्ष समितिसँग गरेको सम्झौता अमान्य रहेको उनले बताए । उनले सम्झौताको पहिलो बुँदाप्रति आपत्ति जनाए । हत्याकाण्डको निष्पक्ष छानबिन गर्न उच्च स्तरीय समिति गठन गर्न माग गरे ।
पत्रकार सम्मेलनमा नेता राजकिशोर यादवले सरकार जसपाका नेताहरुलाई फसाउन किसिमबाट पीडितहरुसँग सम्झौता गरेर अगाडि बढेको आरोप लगाए । उनले गौर घटना राजनीतिक भएको र राजनीतिक रुपमै समाधान संसदीय समिति गठन गरेर अगाडि बढ्नुपर्ने बताए । तत्कालीन जाहेरीका आधारमा मात्र सरकार अगाडि बढे त्यसबाट उत्पन्न हुने परिणामको जिम्मेवारी सरकार नै हुनुपर्ने बताए । साथै सम्झाैतामा षडयन्त्रकाे गन्ध आएकाे बताए । जसपा अहिले सरकारमा छ । सरकारमा रहने वा नरहने भन्ने सरकारको व्यवहारले निर्धारण गर्ने उनले बताए ।
‘हामीमाथि झिना मसिना कुरालाई लिएर झुटा मुद्दा लगाउने र फसाउने सोच्छ भने केही भन्नु छैन, जनताले जवाफ दिइहाल्छन्, यस्ता आरोपलाई जसपाले टेरपुच्छर लाउँदैन’ संघीय सांसद समेत रहेका नेता यावदले ‘हत्या घटना माओवादीको ज्यादातिविरुद्ध जनताले गरेका प्रतिकारका क्रममा भएको हो ।’
सरकारले हत्याकाण्डमा मारिएकाका परिवारका सदस्य तत्कालीन अवस्थामा अध्यक्ष उपेन्द्र यादवसहित नेताहरुविरुद्ध प्रहरीमा दिएको टिकानी जाहेरीमाथि अनुसन्धान गर्ने सहमति जनाउँदै पीडित पक्षका संघर्ष समिति संयोजक रुपसागरदेवी उपाध्ययसँग गृह सचिवले ५ बुँदे सम्झौता गरेका थिए । सम्झौतापछि जसपा सरकारसँग सशंकित हुन पुगेको छ ।
जसपाले पत्रकार सम्मेलनमा नाम लिएकाे प्रभु साह हाल प्रतिनिधिसभामा सदस्य छन् । उनले माओवादी त्यागेर आफ्नै नेतृत्वमा आम जनता पार्टी नेपाल गठन गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरविलाई पक्राउ गर्ने कि नगर्नेमा विवाद, पुरक अभियोजनका लागि छलफल
नेपालबहस संवाददाता
असोज ४, २०८१ शुक्रबार
रविलाई पक्राउ गर्ने कि नगर्नेमा विवाद, पुरक अभियोजनका लागि छलफल
असोज ४, २०८१ शुक्रबार
नागढुङ्गा-नौबीसे-मलेखु-मुग्लिन सडक निर्माणलाई गति दिने सहमति
असोज ४, २०८१ शुक्रबार
माइतीघरबाट पक्राउ परेका टिकाराम भुसालमाथि राज्यविरुद्धको कसुरमा अनुसन्धान सुरु
असोज ५, २०८१ शनिबार
वेस्ट ह्याममाथि चेल्सीको शानदार जित
असोज ५, २०८१ शनिबार
साफ यु–१७ च्याम्पियनसिप: नेपाल पाकिस्तानसँग पराजित
असोज ५, २०८१ शनिबार
परराष्ट्रमन्त्री डा राणा र रोमानियाली विदेशमन्त्रीबीच भेटवार्ता
असोज ५, २०८१ शनिबार
दिल्लीका मुख्यमन्त्री अतिशीले लिइन् शपथ
असोज ५, २०८१ शनिबार