सांसद शर्मालाई सरकारी वकिलको कार्यालय पुर्याइयो

२६ साउन, काठमाडौं । नक्कली शैक्षिक प्रमाणपत्र कसुरमा अनुसन्धानका लागि सीआईबीले बिहीबार पक्राउ गरेको नेपाली कांग्रेसका सांसद सुनिल शर्मा जिल्ला सरकारी वकिलको कार्यालयमा उपस्थित गराइएको छ ।

फौजदारी कसुरमा अनुसन्धानका लागि म्याद लिन शर्मालाई शुक्रबार वकिलको कार्यालय बबरमहलमा उपस्थित गराइएको हो । नक्कली शैक्षिक प्रमाण प्रकरणमा शर्मासहित ८ जना पक्राउ परेका छन् ।

शर्माले प्रविणता प्रमाण पत्र (कक्षा १२ सरह) भारतबाट नक्कली ल्याएर त्यसका आधारमा नेपाल मेडिकल काउन्सिलबाट लिइने परीक्षामा सहभागी भएर चिकित्सक अध्ययन गरेको आरोपमा पक्राउ गरिएको हो । पक्राउ परेका अन्य ७ जनालाई पनि सरकारी वकिलको कार्यालयमा उपस्थित गराइएको छ ।

शर्मा माेरङ क्षेत्र नं. ३ बाट निर्वाचित संघीय सांसद हुन् । कार्यालयमा उपस्थित  उपस्थित गराउने क्रममा शर्माका समर्थकहरुले प्रहरीविरुद्ध नाराबाजी गरेका थिए ।