मन्थलीको गर्मी छल्ने आकर्षक पर्यटकीय गन्तव्य : ताबेँडाँडा
नेपालबहस संवाददाता
साउन २७, २०८० शनिबार १४:३२:२१
२७ साउन, रामेछाप । मन्थलीको गर्मी छल्न रामेछापवासी र रामेछाप घुम्न आएकाको लागि उमाकुण्ड गाउँपालिकाको ताबेँडाँडा आकर्षक पर्यटकीय गन्तव्यको रूपमा देखिएको छ ।
ताबेँ डाँडोलाई धार्मिक, पुरातात्विक र आकर्षक दृश्यावलोकन स्थलको रूपमा विकास गर्न उमाकुण्ड गाउँपालिकाले आवश्यक संरचना निर्माणको काम सुरु गरेको छ । उमाकुण्ड र गोकुलगंगा गाउँपालिकाको सीमानामा पर्ने ताबेँडाँडालाई पर्यटन क्षेत्रको रूपमा विकास गर्न आवश्यक काम सुरु गरिएको उमाकुण्ड गाउँपालिका अध्यक्ष शेरबहादुर सुनुवारले बताए । अहिले सो स्थानसम्म पुग्ने पदमार्ग, मन्दिर, च्छ्योर्तेन गुम्बालगायतका पूर्वाधार निर्माणको काम भइरहेको छ ।
नेपाल सरकारको संस्कृति पर्यटन मन्त्रालय र गाउँपालिकाको साझेदारीमा संरचना निर्माणका काम भइरहेका छन् । त्यस्तै वाग्मती प्रदेशको पूर्वाधार कार्यक्रम अन्तर्गत ५० लाख रुपैँयाको लागतमा पदमार्ग निर्माण भएको छ ।
उमाकुण्ड गाउँपालिका र गोकुलगंगा गाउँपालिकाको साझेदारी कार्यक्रम अन्तर्गत सो स्थानमा गोकुलगंगा गाउँपालिकाले १ करोड रुपैँयाको लागतमा मन्दिर निर्माण गरेको छ । उमाकुण्ड गाउँपालिकाले पनि संरचना निर्माणका विभिन्न काम गरिरहेको छ । हिउँदमा हिउँ पर्ने र चैत बैशाखमा विभिन्न जातका गुराँस र चिमलले ढकमक्क ताबेँ क्षेत्र वर्षामा कुहिरोको लुकामारीमा पनि त्यतिकै मनोरम देखिन्छ ।
रामेछापको सदरमुकाम मन्थली र दोलखाको जिरी जताबाट गए पनि ताबेँसम्म पुग्ने सडक बनेको छ । मन्थलीबाट रस्नालु, ठोसे हुँदै ताबेँडाँडा पुग्न सकिन्छ । रस्नालुबाट भुजीडाँडा हुँदै सोझै ताबेँ पुग्ने सडक पनि बनेको छ छ । दोलखाको जिरीबाट रामेछापको ठोसे निस्किएर पनि सो स्थानमा पुग्न सकिन्छ ।
सो स्थानबाट तलका भूभागका साथै हिम श्रृंखलाको दृश्यावलोकन निक्कै मनोरम देखिन्छ । स्थानीय परिकारका साथै ताबेँको आलु निक्कै मिठो र प्रख्यात त छ । आलु पनि ताबेँको यात्रामा सुनमा सुगन्ध थपेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेपाललाई शान्तिको गन्तव्य मुलुक बनाउनु पर्छ : मन्त्री पाण्डे
असोज ११, २०८१ शुक्रबार
विभिन्न कार्यक्रम गरि मनाइयो विश्व पर्यटन दिवस
असोज ११, २०८१ शुक्रबार
आज विश्व पर्यटन दिवस मनाइँदै
असोज ११, २०८१ शुक्रबार
न्यून कार्बन उत्सर्जन गर्न ऊर्जा प्रभावकारी भवन निर्माण आवश्यक छ : उपप्रधानमन्त्री सिंह
असोज ११, २०८१ शुक्रबार
नेपाली कांग्रेस शिक्षा विभागमा १० सदस्य मनोनीत
असोज ११, २०८१ शुक्रबार
त्रिभुवन अन्तर्राष्ट्रिय विमानस्थलमा चङ्गा, ड्रोन र बेलुन उडाउनेलाई कारबाही गरिने
असोज ११, २०८१ शुक्रबार
उखु र दुध किसानको भुक्तानीका लागि रकम निकासा
असोज ११, २०८१ शुक्रबार
उपत्यकाका नदीहरुमा पानी सतह बढ्यो, बागमती नदीले खतराको तह पार गर्यो
असोज ११, २०८१ शुक्रबार
न्यायाधीश सिफारिस गरेकोप्रति बारको असन्तुष्टि
असोज ११, २०८१ शुक्रबार