सुन तस्करी प्रकरण र संसद अवरोधका विषयमा पार्टीको धारणा सार्वजनिक गर्न एमालेले पत्रकार सम्मेलन गर्दै

२८ साउन काठमाडौं ।  नेकपा .एमालेले आज जारी संसद गतिरोधबारे पत्रकार सम्मेलन गर्ने भएको छ । दिउँसो १ बजे पार्टीको मुख्यालय च्यासलमा पत्रकार सम्मेलन गर्न लागेको एमाले केन्द्रीय प्रचार विभाग प्रमुख राजेन्द्र गौतमले जानकारी दिएका छन् । 

सम्मेलनमा पार्टी अध्यक्ष केपी शर्मा ओलीले संसद गतिरोध र सुन प्रकरणबारे पार्टीको धारणा राख्ने उनले बताए । एमालेले साउन २ मा त्रिभुवन अन्तर्राष्ट्रिय विमानस्थलबाट तस्करी भएको क्वीन्टल भन्दा बढी सुन प्रकरणको छानबिन गर्न उच्च स्तरीय छानबिन समिति गठन गरिनुपर्ने माग राख्दै साउन १० गतेदेखि संसदको तल्लो र माथिल्लो दुवै सदन अवरुद्ध पार्दै आइरहेको छ । 

सरकारले भने भन्सार विभागको अनुरोधमा नेपाल प्रहरीको केन्द्रीय अनुसन्धान ब्यूरो (सीआईबी)ले अनुसन्धान गरिरहेको अवस्थामा छुट्टै समिति गठन गर्दा अनुसन्धान नै प्रभावित हुने भन्दै समिति गठन गर्न आवश्यक रहेको भनिरहेको छ ।