प्रधानमन्त्रीलाई मिलाउन धेरै गाह्रो भयो, म मन्त्री पद छाडेर सहयोग गर्न तयार छुः मन्त्री किराँती

२८ साउन, काठमाडौं । संस्कृति, पर्यटन तथा नागरिक उडड्यनमन्त्री सुदन किराँतीले आफू मन्त्री पद छाड्न तयार रहेको बताएका छन् । प्रधानमन्त्री प्रचण्डले आफ्नो पार्टीका मन्त्री रहेका मध्ये एकलाई फिर्ता बोलाएर त्यस ठाउँमा जनमतबाट एक मन्त्री नियुक्त गर्ने तयारी गरेका बेला मन्त्री किरातीको यस्तो भनाइ बाहिर आएको हो । 

उनले प्रधानमन्त्रीले गठबन्धन दललाई मिलाएर लैजान खोजेको सन्दर्भमा निर्देशन आए आफू पद त्याग गर्न तयार रहेको बताए । यसअघि पनि मन्त्री किराँतीले सरकारलाई गतिसाथ काम गर्न दिने सन्दर्भमा आवश्यक परेमा आफू जतिखेर पनि पद त्याग गर्न तयार रहेको अभिव्यक्ति दिँदै आएका थिए । 

प्रधानमन्त्री प्रचण्डले आजै जनमत पार्टीका अनितादेवी साहलाई मन्त्री नियुक्त गर्दैछन् । त्यस निम्ति उनले आफ्ना पाँच मन्त्री मध्येबाटै एकलाई फिर्ता बोलाउँदैछन् ।