शरीरमा टेपले बेरेर ल्याएको लागुऔषधसहित ३ जना पक्राउ

२८ साउन, काठमाडौं । पर्सा प्रहरीले ठूलो संख्यामा प्रतिबन्धित लागूऔषधसहित वीरगन्जबाट ३ जनालाई पक्राउ गरेको छ। पक्राउ पर्नेमा भारत विहार जिल्ला मोतिहारी ग्राम रामगढवा बस्ने वर्ष ४० को हेमताज आलम, वर्ष २० को अजित कुमार मलाह र वर्ष २० को इमतिहान आलम रहेका छन।

प्रहरी चौकी ईनर्वा पर्साबाट खटिएको नियमित चेकिङ टोलीले वीरगंज १६ स्थित रजतज्यन्ती चौकमा चेकजाँच गर्ने क्रममा भारतबाट वीरगञ्जतर्फ पैदल संकास्पदरूपमा आउदै गरेका तिनैजना माथी शंका लागी खानतलासी गर्दा शरीरमा टेपले बेरेर लुकाएको अवस्थामा १४ सय ३८ एम्पुल प्रतिबन्धित लागूऔषध बरामद भएको पर्साका प्रहरी उपरीक्षक कोमल शाहले जानकारी दिए।

तिनैजना व्यक्तिहरूले आफ्नै जिउमा सेतो टेपले वेरि ल्याएको प्रतिबन्धित लागु औषध डाईजेपाम ४ सय ७९ एम्पुल, फेनारगन ४ सय ७९ र नुरफिन ४ सय ८० एम्पुल फेला परेको प्रहरी उपरीक्षक शाहले बताए।

लागूऔषध बरामद भएपछि तिनै जनालाई नियन्त्रणमा लिई लागूऔषध सम्बन्धी कसूरमा थप अनुसन्धान भइरहेको जिल्ला प्रहरी कार्यालय पर्साले जनाएको