गृहमन्त्री नारायणकाजी श्रेष्ठले अब जवाफ दिन रोष्टममा आउने हैन, तत्काल पदबाट राजीनामा दिनुपर्छः ओली

२८ साउन, काठमाडौं । नेकपा एमाले अध्यक्ष केपी शर्मा ओलीले उपप्रधान तथा गृहमन्त्री नारायणकाजी श्रेष्ठले तत्काल राजीनामा दिनुपर्ने बताएका छन् । उनले यस्ता असफल र अनैतिक व्यक्तिलाई गृहममन्त्री जस्तो जिम्मेवारपूर्ण पद बसिरहन नमिल्ने बताएका छन् । चारैतिबाट गृहमन्त्री भएन भनेर आवाज उठिरहँदा पनि उनलाई हटाउन नखोज्नुले प्रधानमन्त्रीमाथि पनि सशंकित हुनुपर्ने अवस्था आएको बताए । 

पार्टी केन्द्रीय कार्यालय च्यासलमा आयोजित पत्रकार सम्मेलनमा अध्यक्ष ओलीले सुन तस्करी प्रकरणले गृहमन्त्रीको असफलता देखाइसकेकाले राजीनामा दिनुको विकल्प नभएको बताए । अब राजीनामाबाहेक गृहमन्त्री आफैँ रोस्ट्रममा उभिन जानु भनेको अनौठो कुरा हुने उनले बताए । 

ओलीले भने, यत्रो असफलता भएको छ । चुरोट भनेर ल्यायो सुन हुन्छ‚ सुन भनेर पक्रिएर राख्यो‚ राखेको ठाउँबाट हराउँछ । गृहमन्त्रीको जवाफदेहीता होइन त्यो ? क्विन्टलका क्विन्टल सुन एउटा माध्यमबाट एउटा कम्पनीले कसरी ल्याएको छ । त्यस्ता कम्पनी कतिवटा छन् ? केही नखोज्ने र खोज्न पनि नदिने ।’ सुन तस्करीमा संलग्न भएका व्यक्तिलाई नागरिकता कसले दियो‚ त्यस विषयमा गरिएको छानबिन गायब गरिएको आरोप अध्यक्ष ओलीले लगाए ।

चारी र तस्करी हुन्छ तर, तार सरकार आफै तार काट्ने र क्यामेराको मुन्टो अर्कोतर्फ फर्काउने काम गरिरहेको घाटी मर्काउने कस्तो सरकार हो यो, उनले भने । ओलीले गृहमन्त्री र अर्थमन्त्रीले यस्तो अवस्था हुँदा पनि राजीनामा नगरी कसरी बस्न सकेको हो भन्ने पत्रकार प्रश्न गरे । ’यो आठौं होइन नवौं आश्चर्य हो । त्यसमाथि पनि गृहमन्त्री जसको अभिभारा हो र जिम्मेवारी हो उसले विल्कुलै बहन नगरेर फेरि पनि मन्त्री भएर राष्ट्रिय झण्डा हल्लाएर हिड्न अफ्ठ्यारो लाग्दैन ?’ ओलीले प्रश्न थियो ।