मिथिलाबिहारी नगरपालिकामा अख्तियारको छापा, ज्येष्ठ नागरिकको बजेट दुरुपयोगको आरोप

२८ साउन, काठमाडौं । धनुषाको मिथिला बिहारी नगरपालिकामा अख्तियार दुरुपयोग अनुसन्धान आयोगले छापा मारेको छ । ज्येष्ठ नागरिकहरुको सम्मानका लागि निकासा भएको रकम दुरुपयोग भएको आरोपमा छापामा मारेको हो । 

नगरपालिका–९ अन्दुपट्टिका वडाध्यक्ष विन्द्येश्वर यादवले ज्येष्ठ नागरिकहरुलाई सम्मान कार्यक्रमको लागि छुट्टयाइएको ४ लाखको बजेट रकम कर्मचारी राजकुमार मण्डलको नाममा पेस्की भुक्तानी लिएर कार्यक्रम नगरेको भन्दै छानबिनका लागि अख्तियारमा उजुरी दिएका दिए । 

आयोगकाे महाेत्तरी कार्यालयकाे टाेलीले छापा मारेकाे जनाइएकाे छ ।

यस्तै वैदेशिक रोजगारबाट फर्केका युवाहरुको लागि सीपमुलक तालिमका लागि छुटइएको ४ लाख, विद्यार्थीहरुका सिकाइ उपलब्धिको लागि श्री रामजानकी आधारभूत विद्यालय कटरैत तथा आधारभूत विद्यालय अन्दुपट्टिको लागि शैक्षिक सामग्री तथा पोशाक वितरण, सोही वडामा खानेपानीका लागि ह्याण्डपाइप जडान लागि छुट्याइएको बजेट रकम पनि दुरुपयोग भएको उजुरी परेको थियो ।