गायिका गंगा लोहनीको ‘रातो सारी लरक्कै डोरी केसैमा’ सार्वजनिक

२८ साउन, काठमाडौं । दक्षिण कोरियामा रहेकी गायिका गंगा लोहनी र गायक सूर्य खड्काको तीज गीत ‘रातो सारी लरक्कै डोरी केसैमा’ सार्वजनिक गरिएको छ । हालै सार्वजनिक गरिएको उक्त गीतमा गायिका गंगा र गायक सूर्यको स्वर रहेको छ भने शब्द सृजना पनि गायिका गंगाकै रहेको छ । जसमा सूर्य खड्काको संगीत र लय रहेको छ । 

सार्वजनिक भएको एक सातामै एक लाख ६० हजारभन्दा बढी पटक युट्युबमा हेरिसकेको छ । कोरियालाई आफ्नो कर्मथलो बनाउँदै आएकी गायिका गंगा र जापानलाइ कर्मथलो बनाउँदै आएका गायक सूर्यले ल्याएको ‘रातो सारी लरक्कै डोरी केसैमा’को भिडियोमा कलाकार गीता ढुंगाना र कमल केसीले अभिनय गरेका छन् । 

‘रातो सारी लरक्कै डोरी केसैमा’को लागि यम थापाले म्युजिक एरेन्जर गरेका छन् भने भिडियोको काजिस श्रेष्ठले कोरियोग्राफी र निर्देशन गरेका छन् । 

मारुनी डिजिटल स्टुडियोमा सुमन राना र खुमन रानाले रेकर्ड गरेका हुन् । अजय रेग्मीको सिनेमाटोग्राफी, दिपक बिष्टको इडिट÷कलरिङ,सपना लम्सालको मेकअप, निपेश पुरीको फोटोग्राफी रहेको छ ।  यसअघि गायिका गंगाले ‘लुम्ले काँडे, मुसुक्कै हाँसीदेउ’ जस्ता गीत ल्याइसकेकी छन् ।