मंगलबार सुनको भाउ स्थिर, कतिमा हुँदै छ कारोबार ?

३० साउन, काठमाडौं । नेपाली बजारमा मंगलबार सुनको भाउ स्थिर रहेको छ।  मंगलबार सुनको भाउमा कुनै फेरबदल भएको छैन। योसँगै प्रति तोला छापावाल सुन  १ लाख ११ हजार ३०० रुपैयाँ र तेजाबी सुन १ लाख १० हजार ७५० रुपैयाँ कायम भएको नेपाल सुनचाँदी व्यवसायी महासंघले जनाएको छ ।  

सोमबार सुनको भाउ तोलामा २०० रूपैयाँले बढेको थियो। यो दिन प्रति तोला छापावाल सुन १ लाख ११ हजार ३०० रुपैयाँ र तेजाबी सुन १ लाख १० हजार ७५० रूपैयाँमा किनबेच भएको थियो। 

मंगलबार चाँदीको भाउ तोलामा ५ रूपैयाँले बढेर १ हजार ३८० रुपैयाँ कायम भएको छ। सोमबार भाउ स्थिर रहँदै चाँदी १ हजार ३७५ रूपैयाँमा कारोबार भएको थियो।