सन्दीप लामिछानेविरुद्ध करणीसम्बन्धी मुद्दाको अन्तिम सुनुवाइ फेरि सार्ने तयारी
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
साउन ३०, २०८० मंगलबार ११:४२:३९
३० साउन, काठमाडौं । क्रिकेटर सन्दीप लामिछानेविरुद्धको बलात्कारसम्बन्धी मुद्दाको अन्तिम सुनुवाई सार्ने तयारी गरेको छ । मुद्दाको अन्तिम सुनुवाइका लागि यही साउन ३२ गते बिहीबार पेसी तोक्ने यसअघि नै काठमाडौं जिल्ला अदालतबाट आदेश भइसकेको छ ।
तर सो दिनको पेसी पछि सार्ने तयारी भइरहेको छ । लामिछाने पक्षका वकिलले यस्तो तयारी गरेका हुन् । उनका वकिल सरोजकृष्ण घिमिरे हुन् । यसअघि सुनुवाइका लागि तोकिएको पेसी लामिछाने पक्षबाटै सार्न लगाइएको थियो । ‘बलात्कार’ पीडित नुवाकाेटकी (गौशला २६) को जाहेरीका आधारमा गौशाला प्रहरीले जिल्ला सरकारी वकिल कार्यालयमार्फत २०७९ कात्तिक १४ गते काठमाडौं जिल्ला अदालतमा जबर्जस्त करणी कसुरमा मुद्दा दर्ता गराएको थियो । जसको अन्तिम फैसला हुन बाँकी छ ।
तर, यसरी अदालतबाट अन्तिम सुनुवाइ हुने मिति आइपुग्न अगावै नेपाल क्रिकेट संघ (क्यान)ले हालै मात्र एसिया कप खेल्ने १७ सदस्यीय टोलीमा सन्दीपको नाम समावेश गरिसकेको छ । अर्काे पेसी एसिया कपपछि सुनुवाइ गर्ने गरी तयारी भइरहेकाे बताइएकाे छ ।
सुरुमा प्रारम्भिक सुनुवाई गर्दै जिल्ला अदालतका न्यायाधीश माधवप्रसाद घिमिरेकाे इजलासबाट आदेशबमाेजिम मुद्दा पुर्पक्षका लागि कारागार चलान गरिए पनि उच्च अदालतको आदेशमा लामिछाने कारागारबाहिरै बरेर मुद्दा लडिरहेका हुन् । पीडित नाबालिग रहेको दाबी पीडित पक्षले गरेपनि दुई थरि जन्ममितिका कारण पीडित २० वर्ष पुगेको जिकिर लामिछाने पक्षका वकिलले गर्दै आएका छन् । यसकारण पीडितको उमेर मुख्य बहसको विषय बनिरहेको छ । मुद्दामा लामिछाने दोषी ठहर भएमा सजाय निर्धारण विषय मुख्य बन्न जानेछ ।
यदि तोकिएकै समयमा दुवै पक्षका वकिल बहस गर्न तयार भई सुनुवाइ भएमा त्यसमा सन्दीपले अभियोग दाबीबाट सफाइ पाएको खण्डमा एसिया कप खेल्न जान पाउनेछन् । कारणबस सुनुवाइ सरेको खण्डमा पनि खेल्न जाने बाटो खुला नै हुनेछ ।
सन्दीपविरुद्ध गौशाला २६लाई गत वर्षको भदौ ५ गते राति काठमाडौंको पिंगलास्थानस्थित होटल काठमाडौं इनमा राति पुर्याएर बलात्कार र कुटपिट गरेको अभियोग छ । पीडितको जाहेरीका आधारमा उनलाई असोज २० मा त्रिभुवन अन्तर्राष्ट्रिय विमानस्थलबाट पक्राउ गरी करिब महिना दिन अनुसन्धानपछि मुद्दा चलाइएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसर्वोच्चले खारेज गर्यो कोशी प्रदेश सरकार विरुद्धको रिट
असार ११, २०८१ मंगलबार
गण्डकीका मन्त्री देवकोटामाथि गरिएको कारवाही तत्काल कार्यान्वयन नगर्न सर्वोच्चको आदेश
असार १०, २०८१ सोमबार
एकसिङ्गे गैँडाको खाग खरिद बिक्रीको अभियोगमा मुद्दा दायर
असार १०, २०८१ सोमबार
टेलिकमको बिलिङ प्रणालीमा अर्ब बढी हिनामिना आरोपमा मुद्दा चलाउने अख्तियारको तयारी
असार ११, २०८१ मंगलबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
असार ११, २०८१ मंगलबार
मुख्यसचिवका दाबेदार गृहसचिव अर्याल ढुक्कै विदेश भ्रमणमा
असार ११, २०८१ मंगलबार
बाढी बस्तीमा पसेपछि विराटनगरमा ५ सय बढी घर डुबानमा, वडा नं ६ धेरै प्रभावित
असार १२, २०८१ बुधबार
अस्ट्रेलिया विश्वकपबाट बाहिरिएपछि डेभिड वार्नरले लिए सन्यास
असार १२, २०८१ बुधबार
ओखलढुङ्गामा पहिरोले घरगोठ पुरिँदा एकजनाको मृत्यु, दुई घाइते
असार १२, २०८१ बुधबार
स्वस्तिमा र साम्राज्ञीको अभिव्यक्ति विवादमा, जसिता र अनमोलले के भने ?
असार १२, २०८१ बुधबार
नेपाल आइडल विजेता करण परियारलाई प्रधानमन्त्रीले दिए बधाई, गितार उपहार
असार १२, २०८१ बुधबार