कक्षा १२ को नतिजा ५ बजे सार्वजनिक गरिँदै

३० साउन, काठमाडौं । राष्ट्रिय परीक्षा बोर्डले कक्षा १२ को नतिजा सार्वजनिक आज साँझ ५ बजे सार्वजनिक गर्ने भएको छ । केहीबेर अघि सम्पन्न बोर्डको बैठकले परीक्षाको नतिजा (रिजल्ट) ५ गर्ने निर्णय भएको बोर्डका अध्यक्ष महाश्रम शर्माले जानकारी दिएका छन् । त्यसबेला बाेर्ड परिसरमा पत्रकार सम्मेलन गरिँदैछ । 

गएको बैशाख २६ गतेदेखि जेठ ५ गतेसम्म देशभरका परीक्षा केन्द्रमा कक्षा १२ को परीक्षा सञ्चालन भएको थियो । करिब साढे ४ लाख विद्यार्थी परीक्षामा सहभागी भएका थिए । 

प्रत्येक विषयको सैद्धान्तिकतर्फ न्युनतम ३५ प्रतिशत अंक प्राप्त गर्ने विद्यार्थीले मात्रै ग्रेडसिट प्राप्त गर्ने व्यवस्था गरिएको छ । गतवर्ष कक्षा १२ मा ४८ प्रतिशत विद्यार्थीले मात्र ग्रेडसिट प्राप्त गरेका थिए । 

दुई विषयसम्म एनजी (नन ग्रेडेड) आउने विद्यार्थीलाई तत्कालै ग्रेडवृद्धि परीक्षा दिने व्यवस्था गरिएको छ । दुईभन्दा बढी विषयमा एनजी ल्याउने विद्यार्थीले जुन विषयमा एनजी हुन्छ त्यही विषयहरुमा मात्र ग्रेडवृद्धि परीक्षा दिन पाउने व्यवस्था गरिएको छ । यसअघि दुई भन्दा बढी विषयमा एनजी आए अर्को वर्ष हुने परीक्षामा सबै विषयको परीक्षा दिनुपर्ने अवस्था थियो ।

यसअघि गत असारमा गएको शैक्षिक सत्रको एसईईको परीक्षाको नतिजा बोर्डअन्तर्गतका परीक्षा नियन्त्रण शाखाले परिसरमा पत्रकार सम्मेलन गरेर सार्वजनिक गरेको थियो ।

यो पनि पढ्नुहोस