कांग्रेसका मण्डल उद्योग कृषि तथा सहकारी राज्यमन्त्री बनेसँगै कोशी प्रदेश मन्त्रीमण्डलको संख्या ६ पुग्यो

३१ साउन, विराटनगर । कोशी प्रदेशमा कांग्रेसका गयानन्द मण्डल उद्योग कृषि तथा सहकारी मन्त्रालयका राज्यमन्त्री बनेका छन् । मुख्यमन्त्री उद्धव थापाले कांग्रेसबाट एक जना राज्यमन्त्री थपेका हुन् । योसँगै कोशी प्रदेशको मन्त्रीमण्डल ६ सदस्यीय भएको छ ।  

यसअघि थापाले ४ मन्त्री नियुक्त गरिसकेका छन् । जसमा कांग्रेसबाट प्रदीपकुमार सुनुवार खानेपानी, सिञ्चाई तथा ऊर्जा, माओवादी केन्द्रबाट बाबुराम गौतम आर्थिक मामिला तथा योजना, नेकपा (एकीकृत समाजवादी) बाट कमलप्रसाद जबेगु भौतिक पूर्वाधार विकास र जसपाबाट निर्मला लिम्बू स्वास्थ्य मन्त्री रहेका छन् ।