सुनचाँदीको भाउ घट्यो, कतिमा हुँदै छ कारोबार ?

३१ साउन, काठमाडौं । नेपाली बजारमा बुधबार सुनचाँदीको भाउ सामान्य घटेको छ। अघिल्लो दिन अर्थात् मंगलबार स्थिर रहेको सुनको मूल्य बुधबार प्रति तोला एक सय रुपैयाँ घटेको हो।

नेपाल सुनचाँदी व्यवसायी महासंघका अनुसार बुधबार छापावाल सुन प्रति तोला एक लाख ११ हजार दुई सय रुपैयाँ र तेजाबी सुन प्रति तोला एक लाख १० हजार छ सय ५० रूपैयाँमा कारोबार भइरहेको छ। मंगलबार छापावाल सुन प्रति तोला एक लाख ११ हजार तीन सय रुपैयाँ र तेजाबी सुन प्रति तोला एक लाख १० हजार सात सय ५० रूपैयाँमा कारोबार भएको थियो।

त्यसैगरी, बुधबार चाँदीको मूल्य पनि घटेको छ। बुधबार चाँदी प्रति तोला १ हजार तीन सय ७५ रूपैयाँमा कारोबार भइरहेको छ। मंगलबार चाँदी प्रति तोला एक हजार तीन सय ८० रूपैयाँमा कारोबार भएको थियो । मंगलबारको तुलनामा बुधबार चाँदी प्रति तोला ५ रुपैयाँ घटेको हो