सरकारले बढायो सार्वजनिक यातायातको भाडा (सूचीसहित)

३१ साउन, काठमाडौं । सरकारले पेट्रोलियम पदार्थको मूल्य बढाएसँगै सार्वजनिक सवारी सधानको भाडा पनि बढाएको छ । पेट्रोल, डिजेलको मूल्य बढाएको भोलिपल्टै यातायात व्यवस्था विभागले बुधबार एक सार्वजनिक सूचना जारी गरेर सार्वजनिक सवारीको भाडा वृद्धि भएको जानकारी दिएको छ । 

सवारी साधनको साबिकको भाडामा ४.७० प्रतिशतले वृद्धि गरिएको विभागले जनाएको छ । तर पहाडी बाटोमा सञ्चालन हुने मालवाहक सवारी साधनको भाडा ६.१५ प्रतिशत र तराईको बाटोमा सञ्चालन हुने मालवाहक सवारीको भाडा ६.८३ प्रतिशतले वृद्धि गरिएको जनाइएको छ । 

नेपाल आयल निगमले मंगलबार रातिदेखि लागू हुने गरी डिजेलको मूल्य प्रतिलिटर १४ रुपैयाँले वृद्धि गर्दै १६५.८३ रुपैयाँ पुर्‍याएको छ । पेट्रोलमा ७ रुपैयाँ बढाएर प्रतिलिटर १७५ पुर्याएको थियो ।