गाउँपालिकाका कम्प्युटर अपरेटर र लेखापाल अख्तियारको नियन्त्रणमा

३१ साउन, काठमाडौं । सप्तरीको विष्णुपुर गाउँपालिकाका म्प्युटर अपरेटर र लेखापाललाई घुस लिएको आरोपमा अख्तियार दुरुपयोग अनुसन्धान आयोगले नियन्त्रणमा लिएको छ । 

आयोगले लेखापाल टेकनारायण यादव र कम्युटर अपरेटर वीरेन्द्रकुमार यादवलाई बुधबार नियन्त्रणमा लिएको हो । वीरेन्द्रकुमारको साथबाट २ लाख नगद र टेकनारयाणको साथबाट ३ लाख रुपैयाँ घुस रकमको चेक समेत बरामद भएको आयोगले जनाएको छ । 

सोलार बत्ती जडानलगायतको योजनाको भुक्तानीबापत घुस लिएको आरोप उनीहरुमाथि लगाइएको छ । उनीहरुलाई विशेष सूचनाका आधारमा सुनसरीको इटहरीबाट खटिएको टोलीले सदरमुकाम राजविराज नगरपालिका(३, त्रिभुवन चोकबाट नियन्त्रणमा लिएको हो ।