कांग्रेस नेता भण्डारीको कीर्तिपुरस्थित बर्न सेन्टरमा शल्यक्रिया हुँदै

३१ साउन, काठमाडौँ । गत फागुन ३ मा बुद्धनगरस्थित निवासमा खाना पकाउने ग्यास लिक भइ सल्किएको आगोमा परी गम्भीर घाइते भएका नेपाली कांग्रेसका नेता तथा सांसद डा. चन्द्र भण्डारीको आज पुनः शल्यक्रिया गरिँदैछ । उनको आज कीर्तिपुरस्थित बर्न सेन्टरमा हात र पछाडिको भागको शल्यक्रिया हुन लागेको हो । 

दुघैटना परेलगत्तै सोही अस्पतालमा उपचार गरिएका उनको त्यसपछि भारतको मुम्बइमा रहेको नेसनल बर्न सेन्टरमा लामो समय बसेर उपचार गराइएको थियो । 

स्वास्थ्यमा सुधार आएपछि करिब दुई महिना अघिमात्र नेपाल फर्किएका थिए । त्यसपछि उनले थप उपचार कीर्तिपुरमै गर्दै आइरहेका छन् । योपटक शल्यक्रियामा क्यानडाबाट झिकाइएका चिकित्सक समेत सहभागी हुने अस्पतालले जनाएको छ ।

उनको स्वास्थ्यमा पूर्ण सुधार आउन अझै केही समय लाग्ने चिकित्सकहरुले जनाएका छन् । भण्डारी यसबिचमा संसद बैठकमा सहभागी भएर आफ्नो स्वास्थ्य अवस्थाबारे जानकारी समेत दिँदै उपचारका संलग्न निकित्सक र सहयोग पुर्याउने सबैलाई धन्यवादज्ञापन समेत गरेका थिए ।

साेही आगलागीमा परी उनकी आमा हरिकला भण्डारीकाे घटनाकै दिन उपचारका क्रममा साेही बर्न सेन्टरमा निधन भएकाे थियाे ।