डेंगी नियन्त्रणलाई प्राथमिकतामा राख्नू : मानवअधिकार आयोग

३१ साउन, काठमाडौं । राष्ट्रिय मानव अधिकार आयोगले आज एक प्रेस विज्ञप्ति जारी गर्दै डेंगी नियन्त्रणलाई प्राथमिकतामा राखेर काम गर्न सरकारको ध्यानाकर्षण गराएको छ ।

आयोगका प्रवक्ता टीकाराम पोखरेलद्वारा विज्ञप्तिमा मुलुकभर डेंगीको संक्रमण बढ्दै गएको र यसले महामारीको रुप लिनसक्ने भन्दै नियन्त्रण गर्ने कार्य तदारुकतासाथ गर्न सचेत गराइएको हो । 

आयोगले नागरिकको स्वास्थ्यसम्बन्धी हकबारे पनि सरकारलाई स्मरण गराएको छ । तीन तहका सरकारबीच प्रभावकारी समन्वयमार्फत डेंगी फैलाउने लामखुट्टको लार्भा ‘खोज र नष्ट’ गर्ने कार्यलाई प्राथमिकताका साथ अगाडि बढाउने कार्यमा सरकारको ध्यान जान नसकेको जस्ता विषयहरू विभिन्न माध्यमबाट आयोगलाई प्राप्त भइरहेकोज जनाउँदै रोगको सङ्क्रमण नहुने र रोक्नेतर्फ आवश्यक सुरक्षात्मक उपायको अवलम्बन गर्नुपर्ने व्यवस्था गरेको उल्लेख गर्दै त्यसतर्फ ध्यान दिन भनेको छ ।