अमृता राउटेको हत्या आरोपमा एक नाबालक पक्राउ

३१ साउन, डडेल्धुरा । बुधबार बिहान मृत अवस्थामा फेला परेकी डडेल्धुराको परशुरामकी अमृता राउटेको हत्या आरोपमा एक जना पक्राउ परेका छन् ।

जिल्लाको परशुराम नगरपालिका–१२ आमपानिकी १४ वर्षीया बालिका अमृता घर नजिकैको रंगुन खोलामा बुधबार बिहान मृत अवस्थामा फेला परेकी थिइन् । 

मंगलबार दिउँसो अन्य साथिहरूसँगै माछा मार्न खोलामा गएकी अमृता अबेरसम्म घर नआएपछि खोजी गर्ने क्रममा मृत अवस्थामा फेला परेकी थिइन् । उनीसँगै माछा मार्न गएका अन्य समयमै घर फर्किएका थिए । 

पक्राउ परेका आरोपी नाबालक रहेको प्रहरीले जनाएको छ । राउटे समूदायकै ति नाबालकको परिचय खुलाइएको छैन । उनलाई इलाका प्रहरी कार्यालय जोगबुढामा राखिएको छ ।