क्रिकेटर सन्दीपविरुद्धको मुद्दा न्यायाधीश खतिवडाको इजलासमा

३२ साउन, काठमाडौं । क्रिकेटर सन्दीप लामिछाने विरुद्धको मुद्दाको शुक्रबार सुनुवाइ हुँदैछ । नाबालिग बलात्कार आरोपमा सन्दीपविरुद्ध परेको रिटको सुनुवाइ शुक्रबार काठमाडौं जिल्ला अदालतका न्यायाधीश राजकुमार खतिवडाको इजलासमा हुने भएको छ । 

सन्दीप पक्षले ‘गौशाला २६’ को जन्ममिति गलत भएको र उनी नाबालिग नभएको जिकिर गर्दै प्रमाण पेस गरेको थियो । त्यसरी पेस गरिएको जन्मदर्ताको प्रमाणपत्र नै नक्कली प्रमाणित भएपछि पहिलो पटक मुद्दाको सुनुवाइ हुन लागेको हो । यसअघि धेरै पटक सुनुवाइ सर्दै आएको छ ।