गठ्ठाघरबाट १५ लाखको विभिन्न धनमाल चोरी

३२ साउन, भक्तपुर । मध्यपुरको गठ्ठाघरबाट १५ लाखको विभिन्न धनमाल चोरी  भएको प्रहरीले जनाएको छ । प्रहरीका अनुसार मध्यपुर ठिमी नगरपालिका-३ गठ्ठाघर बस्ने सपना बस्नेतको घरबाट मोबाइल, ल्यापटप, नगद समेत गरी करिब १५ लाख ९४ हजार रूपैयाँ बराबरको धनमाल गएराति चोरी भएको हो ।

प्रहरीले चोरीमा संलग्न हाल फरार व्यक्तिको खोजी गर्नुको साथै यस सम्बन्धमा थप अनुसन्धान गरिरहेको छ ।