ब्राजिलियन फरवार्ड नेयमार पनि साउदीका क्लबमा आइपुगे

३२ साउन, काठमाडौं । ब्राजिलियन फरवार्ड जेआर नेयमार साउदी अरबको क्लबमा आबद्ध भएका छन् । फ्रान्सको पेरिस सेन्ट जर्मन (पीएसजी)सँगको अुनबन्ध सम्झौता सकिएपछि उनी हालै साउदी अरबको धनी क्लब मानिने अल हिलालमा अनुबन्ध भएका हुन् ।  

अल हिलालले ३१ वर्षीय नेयमार २ वर्षका लागि ९० मिलियन युरो र थप एड अनमा ल्याएको हो । उनले साउदीमा रहँदासम्म अथक मेहनत गर्ने र विश्व फुटबल स्टार बर्ने कोशिस गर्ने बताएका छन् । हिलाल अवसर र चुनौति हुवै रहेको उनको भनाइ छ । 

पोर्चुगिजका स्टार रोनाल्डो गएकाे डिसेम्बरदेखि नै साउदीकै अल नासिर क्लबमा आवद्ध भएर खेलिरहेका छन् । उनलाई नेयमार भन्दा निकै महंगो अर्थात २०० मिलियन युरो मूल्य  तिरेर ल्याइएको हो ।

विश्वफुटबलका स्टार मानिने अर्जेन्टिना लियोनल मेस्सीलाई पनि साउदीकै एक क्लबले ल्याउने चर्चा चलेको थियो । तर उनी अमेरिकाको इन्टर मियामी क्लबमा २ वर्षका लागि आवद्ध भएका छन् । त्यहाँ उनले जारी लिग कप प्रतियोगितामा नसोचिएको परिणाम निकालिरहेका छन् ।

अर्जेन्टिनाले जितेको गएको फिफा विश्वकपको लिग चरण खेलमा साउदीले अर्जेन्टिनालाई हराएको थियो । अर्जेन्टिनालाई हराएको खुशियालीमा साउदी सरकारले प्रत्येक खेलाडीलाई कार किनेर दिएको थियो ।

तर मेसी साउदीको पर्यटन दूत रहेका छन् । साउदीको पर्यटन प्राधिकरणसँगको उनले तीन वर्षका लागि करिब अढाई करोड डलरको गरेको सम्झौता गरेका छन् । सम्झौताअनुसार मेस्सीले साउदीकाे पर्यटन अभियानमा सघाउनुपर्ने हुन्छ, सामाजिक सञ्जालमा पोस्ट गर्नुपर्ने हुन्छ, च्यारिटीमा सहभागी हुनुपर्ने हुन्छ ।