शुक्रबार सुनको मूल्य स्थिर, कतिमा हुँदै छ किनबेच ?

१  भदौ, काठमाडौं  । चालू साताको अन्तिम कारोबार दिन शुक्रबार सुनको भाउ स्थिर रहेको छ। सुनको भाउमा कुनै फेरबदल भएको छैन। योसँगै प्रति तोला छापावाल सुन १ लाख १० हजार ४०० रुपैयाँ र तेजाबी सुन १ लाख ९ हजार ८५० रुपैयाँ कायम भएको नेपाल सुनचाँदी व्यवसायी महासंघले जनाएको छ । 

बिहीबार सुनको भाउ तोलामा ८०० रूपैयाँले घटेको थियो। यो दिन प्रति तोला छापावाल सुन १ लाख १० हजार ४०० रुपैयाँ र तेजाबी सुन १ लाख ९ हजार ८५० रूपैयाँमा किनबेच भएको थियो। 

शुक्रबार चाँदीको भाउ भने तोलामा २० रूपैयाँले बढेर १ हजार ३९० रुपैयाँ कायम भएको छ। बिहीबार तोलामा ५ रूपैयाँले घटेर चाँदी १ हजार ३७० रूपैयाँमा किनबेच भएको थियो।