प्रधानमन्त्रीसँग सभामुखले भने, ‘मेरो मात्र पहलले संसद नखुल्ने अवस्था छ, तपाइहरु पहल गर्नुस’

१ भदौ, काठमाडौं । प्रधानमन्त्री प्रचण्डले प्रतिनिधिसभा सभामुख देवराज घिमिरेसँग आज बिहान छलफल गरेका छन् । प्रधानमन्त्री निवास बालुवाटारमा भएको एक घण्टा लामो छलफलमा प्रधामन्त्रीसँग घिमिरेले आफूले मात्र संसद खुलाउन सकिने अवस्था नरहेको बताएका थिए । 

जवाफमा प्रधानमन्त्री प्रचण्डले संसद खुलाउन प्रमुख प्रतिपक्षी एमालेका नेतृत्वसँग आफूले आजै कुरा गर्ने बताएका थिए । सुन प्रकरणमा संसदीय छानबिन समिति गठन हुनुपर्ने माग राख्दै साउन १० गतेदेखि एमालेले संसदको दुवै सदन चल्न दिएको छ । प्रतिनिधिसभाको बैठक आउँदो आइतबार बोलाइएको छ ।

संसद खुलाउने विषयमा मात्र प्रधानमन्त्री र सभामुखबीच ५ पटक छलफल भइसकेको छ । एमाले अध्यक्ष केपी शर्मा अाेलीले बिहीबार मात्र समिति गठन नभएसम्म संस चल्न नदिने बताएका थिए ।

संसद चल्न नसक्दा थुप्रै विधेयक अड्किएका छन् भने जनताका विषयका सरकारको ध्यानाकर्षण गराउने काम समेत ठप्प छ । सरकारले भने सुन प्रकरणमाथि सीआईबीले अनुसन्धान गरिरहेको हुँदा छुट्टै समिति आवश्यक नरहेको स्पष्ट पादै आइरहेको छ ।

एमालेले विरोध गर्ने बित्तिकै संसद बैठक स्थगित गर्दै आइरहेका सभामुखको पनि आलोचना सुरु भएको छ । उनी एमाले कोटाबाट सभामुख बनेका थिए । रास्वपाले सभामुख घिमिरे दलविशेष पक्षमा भूमिका देखिएको आरोप लगाएको छ ।