प्रत्येक नेपालीको भागमा ७४ हजार रुपैयाँ ऋण

१ भदौ, काठमाडौं । प्रत्येक नेपालीको भागमा ऋणको भार ७४ हजार रुपैयाँ पुगेको छ । नेपाल राष्ट्र बैंकले शुक्रबार सार्वजनिक गरेको आर्थिक वर्ष २०७९/८० को वार्षिक प्रतिवेदन अनुसार सरकारको ऋण २२ खर्ब १८ अर्ब ५४ करोड रुपैयाँ पुगेको छ ।

उक्त ऋण एक नेपालीको भागमा ७४ हजार १०८ रुपैयाँ परेको हो । अघिल्लाे वर्षभन्दा याे केही थपिएकाे हाे ।

राष्ट्र बैंकका अनुुसार २०८० असार मसान्तमा सरकारको कुल तिर्न बाँकी ऋणमध्ये बाह्य ऋण १० खर्ब ९३ अर्ब ३५ करोड, आन्तरिक ऋण ११ खर्ब २५ अर्ब १९ करोड रुपैयाँ रहेको छ ।

आन्तरिक उत्पादन र व्यवस्थापनमा सरकार असफल हुँदा खाद्यन्न र इन्धन आयात, विकास निर्माणका सामाग्रीमा बाह्य निर्भर हुँदा वैदेशिक ऋण बढ्या बढ्यै भएको हो ।

यो पनि पढ्नुहोस