मेसीको प्रवेशसँगै इन्टर मियामीलाई लिग्स कपको उपाधि

३ भदौ, काठमाडौं । विश्व फुटबल स्टार एवं अर्जेन्जिनी स्ट्राइकर लियोनल मेसीको प्रवेशसँगै अमेरिकन फुटबद क्लब इन्टर मियामीलाई जारी लिग्स कपको उपाधि हात परेको छ । 

यसै याममा महंगो मूल्यमा मियामी आवद्ध भएका मेसीले प्रतियोगिताको सुरुवातदेखि नै उत्कृष्ट प्रदर्शन जारी राखेका थिए । क्लबले प्रतियोगितामा अन्तिमसम्म खेल खेल्ने अवसर मिल्यो  । शनिबार भएको फाइनलमा नासभिल एससीलाई हराएर उपाधि हात पारेको हो ।

खेलको पहिलो हाफमा कप्तान समेत रहेका मेसीले २३औं मिनेटमा गोल गर्दै मियामीलाई अग्रता दिलाए । तर दोस्रो हापको ५७औं मिनेटमा फाब्रिस पिकल्टले नासऐललका लागि गोल गर्दै खेल बराबरीमा पुर्‍याएका थिए । 

त्यसपछिका समयमा दुवै पक्षबाट गोल गर्न सकेन । पेनाल्टी सुटआउटमा १०-९ ले नासभिललाई पराजित गर्यो । ११–११ सुट प्रहार भएको थियो । प्रतियोगिताको ७ खेलमा मेसीले व्यक्तिगत ११ गोल गरेका थिए ।