सुन तस्करीमा पक्राउ परेका चिनियाँसँग भारतीय आधारकार्ड समेत भेटियो

३ भदौ, काठमाडौं । गउको साउन २ मा हङकङबाट मोटरसाइकलमा राख्ने  ‘ब्रेक सु’मा लुकाएर ल्याइएको ६० किलो सुन तस्करीमा पक्राउ परेका चिनियाँ नागरिकसँग भारतीय आधार कार्ड समेत फेला परेको छ ।

पक्राउ परेकामध्ये ७ जनामध्ये दुई जनासँग भारतीय आधार कार्ड रहेको पाइएको केन्द्रीय प्रहरी प्रवक्ता प्रहरी नायब महानिरीक्षक कुबेर कडायतले जानकारी दिएका छन् । 

४ जनासँग नेपाली नागरिकता र पासपोर्ट फेला परेको थियो । ३ जनाले काभ्रे र एक जनाले काठमाडौं जिल्ला प्रशासन कार्यालयबाट सन् २०२० देखि २०२२ सम्ममा नागरिकता लिएको पाइएको छ ।

सुन प्रकरणमा हालसम्म ७ चिनियाँ, केही भारतीय र नेपाली गरी २३ जना पक्राउ परेका छन् । भारतीय आधार कार्ड लिने सबै तिब्बती मूलका रहेको पाइएको छ ।