सत्ताघटक एकीकृत समाजवादीको पोलिटब्यूरो बैठक सुरू

भदौ ३ , काठमाडौं । सत्ता घटक नेकपा (एकीकृत समाजवादी) पार्टीको पोलिटब्युरो बैठक केन्द्रीय कार्यालय आलोकनगरमा सुरु भएको छ । 
बैठकमा वर्तमान राजनीतिक परिस्थिति, पार्टीले लिएको नीति र पार्टीको आगामी कार्यभारबारे छलफल हुने प्रचार विभाग प्रमुख जगन्नाथ खतिवडाले जानकारी दिए । बैठकमा अध्यक्ष माधवकुमार नेपालले बैठकमा वर्तमान राजनीतिक परिस्थितिबारे सम्बोधन गरेका छन् । 
महसाचिव घनश्याम भुसालले एजेण्डा प्रस्तुत गरेका छन् । एजेण्डामाथि सदस्यहरुले धारणा राख्ने क्रम चलिरहेको छ । बैठकमा वर्तमान राष्ट्रिय परिस्थिति, संगठन सुदृढीकरण, सैद्धान्तिक तथा वैचारिक, संगठनात्मक अवस्था, आन्तरिक समस्या, संगठन विस्तार, महाधिवेशन, केन्द्रीय समिति लगायत एजेण्डामाथि छलफल हुने जनाइएको छ । यही भदौ ५–७ मा काठमाडौंमा पार्टीको केन्द्रीय समितिको बैठक बस्दैछ । आगामी माघमा महाधिवेशन गर्ने भएको छ ।