बलात्कार आरोपमा एमालेका नगर अध्यक्ष पक्राउ

३ भदौ, काठमाडौं । एक महिलालाई बलात्कार गरेको आरोपमा प्रहरीले नेकपा (एमाले)का एक स्थानीय नेतालाई पक्राउ गरेको छ । पक्राउ पर्नेमा मोरङको बेलाबारी नगरपालिकाका नगर अध्यक्ष काशिराज तामाङ रहेका छन् । 
स्थानीय ३४ वर्षीया पीडित महिलाको उजुरीका आधारमा तामाङलाई गएको बिहीबार पक्राउ गरेको हो । उनलाई आइतबार मात्र सार्वजनिक गरिएको छ । होटल व्यवसायी समेत रहेका आरोपी तामाङ बेलबारी नगरपालिका–१० का बासिन्दा हुन् ।

उनी केही वर्षअघि मात्र वैदेशिक रोजगारबाट फिर्ता भएका थिए । त्यसपछि उनी एमालेमा लागे थिए । उनीमाथि गएको असार २ मा ति महिलालाई बलात्कार गरेको आरोप छ । उनलाई बेलबारी इलाका प्रहरीले अनुसन्धान गरिरहेको छ ।