फुटबलर विमल घर्तीमगर विवाह बन्धनमा

३ भदौ, काठमाडौंं । फुटबलर विमल घर्तीमगर विवाह बन्धनमा बाँकिधएका छन् । उनले आइतबार सामाजिक संजाल फेसबुकमा प्रेमिका लिना प्रधानसँग लगनगाँठो कसेको तस्बीर सार्वजनिक गरेका छन् । 

विमल र लिना लामो समयदेखि प्रेम सम्बन्धमा रहेका थिए ।  ‘मेरो हिजो आज र सँधैभरि, र उनी अरु कोही होइनन् मेरी अर्धाङ्गिनी’ उनले फेसबु्कमा तस्बीर पोष्ट गर्दै लेखेका छन् । 

नवलपरासीका विमल बाबुआमाका दुई सन्तानमध्ये एक्लो छोरा हुन् । उनकी एक मात्र बहिनी केही वर्षपहिले विमल देशबाहिर खेल प्रशिक्षणमा रहेका बेला प्रेमकै कारण ‘विष सेवन’ गरेर ‘आत्महत्या’ गरेकी थिइन् ।