होस्टल सञ्चालकलाई यौन दुर्व्यवहार र बलात्कार गरी पाँच मुद्दा

४ भदौ, काठमाडौं । काठमाडौं महानगरपालिका–१५ स्वयम्भूस्थित आनन्दकुटी विद्यापीठ स्कुलको प्रांगणमा स्नो मञ्जुश्री संस्थाद्वारा सञ्चालित होस्टलका संचालक सोनम घ्याल्चे घलेविरुद्ध बाल यौन दुर्व्यवारसम्बन्धी ४ वटा र बलात्कारमा एक गरी ५ वटा चलाइएको छ ।

सूचनाका आधारमा होस्टलमा राष्ट्रिय बाल अधिकार परिषद्, बाल हेल्पलाइन, छोरी संस्था र बाल अधिकारका लागि राष्ट्रिय अभियानको संयुक्त टोलीले स्थलगत निरीक्षण गरेको थियो । अनुगमनमा पीडित बालबालिकाहरुले आफूहरुमाथि यौन दुर्व्यवहार गरेको बताएपछि संचालक घलेलाई प्रहरी वृत्त स्वयम्भुले गएको साउन १२ गते पक्राउ गरी अुनसन्धान गरिएको थियो । प्रहरीले होस्टलबाट ११ जना बालबालिकाको उद्धार गरेको थियो ।

अनुसन्धानका क्रममा एउटा बलात्कार (करणी) र अन्य ४ जनालाई यौन दुर्व्यवहार गरेको पाइएपछि जिल्ला अदालत काठमाडौंमा ५ वटा मुद्दा दर्ता गरिएको छ ।