राष्ट्रियसभाले सार्वजनिक गर्याे मंगलबार बस्ने बैठकको कार्यसूची

४ भदौ, काठमाडौं । संघीय संसद्को माथिल्लो सदन राष्ट्रियसभाले भोलि मंगलबार बस्ने कैठकको संभावित कार्यसूची सार्वजनिक गरेको छ । संघीय सचिवालयका महासचिव भरतराज गौतमले आज बैठकमा पेस हुने कार्यसूची सार्वजनिक गरेका हुन् । बैठक दिउँसो १ बजेर १ मिनेट जाँदा बस्ने सूचनमा उल्लेख गरेका छन् । 

जसअनुसार राष्ट्रपतिको कार्यालयबाट विधेयक प्रमाणिकरण, मन्त्रिपरिषद् गठन तथा परिषद् सदस्यको कार्यभार तोक्ने तथा प्रधानमन्त्रीको कार्यालयबाट प्राप्त पत्रलाई सभाका अध्यक्ष गणेशप्रसाद तिमिल्सिनाले पढेर सुनाउने रहेको छ । 

यस्तै, कानूनमन्त्रीबाट बेपत्ता पारिएका व्यक्तिकाे छानजबिन आयोग र सत्य निरुपण तथा मेलमिलाप आयोगसम्बन्धी ऐन संशोधन विधेयक पेस गर्ने लगायत कार्यसूची रहेको छ । प्रमुख प्रतिपक्षी दल नेकपा (एमाले)ले साउन १० गतेदेखि लगातार दुवै सदनको बैठक अवरुद्ध गर्दै आइरहेको छ । सुन तस्करी प्रकरणको छानबिनका लागि उच्चस्तरीय छानबिन समिति गठन गर्नुपर्ने माग गर्दै बैठक अवरुद्ध पारेको हो ।