एसिया कपका लागि भारतीय टोलीको घोषणा, भदौ १८ गते नेपालसँग खेल्ने

४ भदौ, काठमाडौं । भारतले श्रीलंका र पाकिस्तानमा आयोजना हुने एसिया कप खेल्ने आफ्नो टोलीको घोषणा गरेको छ । भदौ १३ देखि ३१ गतेसम्म हुने एसिया कपका लागि भारत प्रमुख दाबेदार हो । खेल पाकिस्तान र श्रीलंकामा हुने भए पनि भारतले आफ्ना सबै खेल श्रीलंकामा खेल्नेछ । 

भारतको टोलीमा दुई प्रमुख ब्याटर लोकेश राहुल र श्रेयस ऐर टोलीमा फर्किएका छन् । एसिया कपमा नेपाल, भारत र पाकिस्तानसहित समूह एमा छ । यस्तै समूह बी मा श्रीलंका, बंगलादेश र अफगानिस्तान समेटिएका छन् । भारतले आफ्नो पहिलो खेल पाकिस्तानसँग भदौ १६ गते र  नेपालसँग भदौं १८ गते खेल्नेछ ।

भारतीय टोलीको कप्तानमा रोहित शर्मा र उपकप्तानमा हार्दिक पाण्डे रहेका छन भने अन्य खेलाडीहरुमा शुभमन गिल, विराट कोहली, श्रेयस ऐर, सूर्यकुमार यादव, तिलक बर्मा, लोकेश राहुल, ईशान किशन, रविन्द्र जडेजा, शार्दुल ठाकुर, अक्षर पटेल, कुलदीप यादव, मोहम्मद शिराज, जस्प्रित बुमराह, मोहम्मद शामी र प्रसिद्ध कृष्ण छन् । यस्तै सन्जु स्यामसन वैकल्पिक खेलाडीको रुपमा समेटिएका छन् ।