यो बैठकले हामीलाई एक हात अगाडि लैजाओस् : महासचिव भुसाल

५ भदौ, काठमाडौं । सत्तारुढ नेकपा (एकीकृत समाजवादी)का महासचिवले घनश्याम भुसालले जारी केन्द्रीय समितिको बैठकले पार्टी र नेपाली समाजलाई एक हात अगाडि लैजानुपर्ने बताएका छन् ।

काठमाडौंमा ३ दिनसम्म चल्ने गरी आज सुरु भएको केन्द्रीय समितिको छैटौं बैठकको उद्घाटन सत्रमा बोल्दै महासचिव भुसालले आफ्नो पार्टी मात्र नभई नेपाली राजनीति र समाज परिवर्तनको दिशामा अगाडि बढनबाट समस्यामा परेको बताए । 

उनले छैटौं बैठक नेपाली समाज र राजनीतिलाई एक हात, एक मिटर नै किन नहोस् अगाडि बढाउन महत्वपूर्ण निर्णय लिने विश्वास व्यक्त गरे । पार्टी विभिन्न विचार र चेतना भएका मानिसहरुको संयुक्त शक्ति भएको र अहिले आन्दोलन र राजनीतिमा गम्भीर समस्या आएको भन्दै उनले पार्टीलाई नयाँ विधि, संकल्प, ईच्छा, आकांक्षा र उद्देश्यका पुञ्जा बनाउन सफल हुनेमा आफू विश्वस्त रहेको बताए । 

समस्या, विविधता र अनेकतामा पुगेका सबैलाई नयाँ संकल्पसाथ साझा उद्देश्य तथा आविष्कारमा पुर्याउने उनको भनाइ थियो । ‘कुनै समयमा पशु, जनावारहरु नृसंश आवस्थामा पुगेको देखेकै कारण मानिसहरु एकता र साझा उद्देश्यमा पुगेका हुन्’ उनले भने, ‘त्यसकारण आजका मानिस विकसित र साझा उद्देश्यका यहाँ जुटिरहेका छौं । यसबाट हामी केही न केही मात्रामा भएपनि अगाडि बढ्न सफल हुनेछौं ।