रामेछाप कारागारमा एक कैदीबन्दीको मृत्यु

५ भदौ, काठमाडौं । रामेछाप कारागारमामा एक जना कैदीबन्दीको मृत्यु भएको छ । बलात्कार मुद्दामा दोषी ठहर भई जन्मकैद सजाय काटिरहेका सोही जिल्लाकै उमाकुण्ड गाउँपालिका-६ रोटेका ८४ वर्षीय पदमबहादुर श्रेष्ठको मृत्यु भएको हो । 

सोमबार राति कारागारभित्र शौचालयमा लडेर गम्भीर घाइते भएका श्रेष्ठ उपचारका क्रममा जिल्ला अस्पताल मन्थलीमा मृत्यु भएको बागमती प्रदेश प्रहरी कार्यालय, हेटौंडाले जनाएको छ । उनी ३ वर्षदेखि त्यस कारागारमा थिए ।