तेस्रो एभरेष्ट राष्ट्रिय खुला तेक्वान्दो प्रतियोगिता आगामी पुसको दोस्रो साता हुने

 ५ भदौ, काठमाडौं । आगामी पुसको दोस्रो साता तेस्रो एभरेष्ट राष्ट्रिय खुला तेक्वान्दो प्रतियोगिता २०८० आयोजना हुने भएकाे छ । कालिका नगर तेक्वान्दो डोजाङको आयोजनामा चितवनको भरतपुरमा हुने प्रतियोगिता आगामी पुस ७ र ८ हुने भएको छ ।  

 प्रतियोगितामा सिनियर ईभेन्ट तर्फ पुरुष÷महिला ७ वटा तौल समूह, जुनियर तर्फ ३ , क्याडेट तर्फ ४ र चिल्ड्रेन तर्फ ४ तौल मुहको प्रतिस्पर्धा हुनेछ भने पुम्सेतर्फ एकल, जोडी र समुहमा प्रतिष्पर्धा हुने आयोजक समिति संयोजक रमेश कार्कीले जानकारी दिए । 

प्रतियोगितामा प्रथम, दोस्रो, तेश्रो हुने टीमले क्रमशः १ लाख, ५० हजार, २५ हजार र उत्कृष्ट खेलाडी महिला पुरुषतर्फ क्रमशः १०–१० हजार तथा ट्रफी र प्रमाण पत्र प्रदान गरिने उनले बताए । 

त्यस्तै पुम्सेमा प्रथम हुने टिमलाई रु।२०,००० र द्वितीय हुनेलाइ रु। १०,००० प्रदान गरिने आयोजकले जनाएको छ । उत्कृष्ट निर्णायकलाई १०÷१० हजार २ जनालाई प्रदान गरिने र प्रतियोगीताको अनुमानित खर्च ३३ लाख ६० हजार रहेको आयोजक समिति संयोजक कार्कीले बताए । 

सम्पुर्ण खेलहरु विश्व तेक्वान्दो महासंघको नियम अनुसार हुने उनको भनाइ छ । पुम्से विधाको खेलाडीहरूको ६ महिना भित्रको नेपाल तेक्वान्दो संघले प्रदान गरेको प्रमाण पत्रको फोटोकपी अनिवार्य पेश गर्नुपर्ने र सहभागी डोजाङ्ग तथा खेलाडीहरू नेपाल तेक्वान्दो संघमा दर्ता भएको हुनुपर्ने आयोजकले जनाएको छ ।