नवनियुक्त प्रधानन्यायाधीश श्रेष्ठले राष्ट्रपतिसमक्ष लिए शपथ

५ भदौ, काठमाडौं । नवनियुक्त प्रधानन्यायाधीश विश्वम्भरप्रसाद श्रेष्ठले राष्ट्रपति रामचन्द्र पौडेलबाट पद तथा गोपनीयताको शपथ लिएका छन् । मंगलबार दिउँसो राष्ट्रपति कार्यालय शीतलनिवासमा राष्ट्रपति पौडेलले श्रेष्ठलाई पद तथा गोपनीयताको शपथ गराएका हुन् ।

संसदीय सुनुवाईबाट सर्वसम्मत अनुमोदन भएका श्रेष्ठलाई पौडेलले सोमबार प्रधानन्यायाधीशमा नियुक्त गरेका थिए । श्रेष्ठले सर्वोच्च अदालतमा १४ महिना प्रन्या बनेर कार्य गर्नेछन् । 

प्रन्या हरिकृष्ण कार्की उमेर हदका कारण गएको साउन २० मा अवकाशमा गएपछि श्रेष्ठलाई संवैधानिक परिषद्को बैठकले साउन १८ मा प्रन्या नियुक्तका लागि सिफारिस गरेको थियो । सिफारिसपछि श्रेष्ठविरुद्ध परेको उजुरीमाथि सोमबार सुनुवाई गरेर नियुक्तिको बाटो खुला भएकाे थियाे ।

यो पनि पढ्नुहोस