पालिकाका अध्यक्षको कार्यवाहक जिम्मेवारी वडाध्यक्षलाई दिने निर्णय कार्यान्वयनमा रोक

५ भदौ, काठमाडौं । झापाको दुई पालिकाका अध्यक्षले आाफ्नो अनुपस्थितिमा वडाध्यक्षलाई कार्यवाहक तोक्ने निर्णय कार्यान्वयन नहुने भएको छ ।

कमल गाउँपालिकाका अध्यक्ष हुकुम सिंह राई र शिवसताक्षी नगरपालिकाका प्रमुख मेघाहाङ थोप्राले यही भदौ १ मा उपमेयरको साटो वडाध्यक्षलाई कार्यवाहक जिम्मेवारी जापान भ्रमणमा गएका छन् । अध्यक्ष राईले वडा अध्यक्ष अशोक सुब्बालाई कार्यवाहक बनाएका थिए ।

वडाध्यक्षलाई कार्यवाहक बनाउने निर्णय कानून विपरीत भएको भन्दै खारेजीका लागि कमल गाउँपालिकाका उपप्रमुख प्रमिला न्यौपाने उच्च अदालत विराटनगरमा रिट  दायर गराएकी थिइन् । 

सो रिटमा मंगलबार सुनुवाई गर्दै उच्च अदालतको इलाम इजलासका न्यायाधीश सोमकान्त मैनालीको एकल इजलासले निर्णय कार्यान्वयन नगर्न अन्तिरम आदेश दिएको हो । झापाको चार वटा पालिका गौरादह, गौरीगञ्ज, शिवसताक्षी र कमलका प्रमुख जापान भ्रमणमा छन् । प्रमुखको निर्णयले आफ्नो मान मर्दन भएको जिकिर गरेकी छन् ।