कांग्रेसको निर्वाचन समिति संयोजकमा खाती नियुक्त

५ भदौ, काठमाडौं । नेपाली कांग्रेस निर्वाचन समिति संयोजकमा खम्मबहादुर खती नियुक्त भएका छन् । कांग्रेस सभापति शेरबहादुर देउवाले रिक्त निर्वाचन समिति संयोजक पदमा खातीलाई मंगलबार  नियुक्त गरेका हुन् ।

नेपाल बार एशोसिएसनका पूर्वमहासचिव खाती पूर्व महान्यायाधिवक्ता एवं निर्वाचन समितिका पूर्व सदस्य हुन् ।

यस्तै, सभापति देउवाले अनुशासन समितिमा ४ सदस्य नियुक्त गरेका छन् । उनले पार्टी विधानको धारा ३४ (७) बमोजिम समितिको सदस्यमा ईश्वरी न्यौपाने, ध्रुव वाग्ले, सन्जयकुमार गौतम र राजीव कोइरालालाई मनोनीत गरेका हुन् ।