प्रधानन्यायाधीशको शपथ ग्रहण कार्यक्रममा नबोलाइएकामा उपसभामुख असन्तुष्ट

५ भदौ, काठमाडौं । राष्ट्रपति कार्यालय शितलनिवासमा नवनियुक्त प्रधानन्यायाधीश विश्वम्भरप्रसाद श्रेष्ठको शपथ ग्रहण कार्यक्रममा आफूलाई नबोलएका भन्दै उपसभामुख इन्दिरा राना मगरले असन्तुष्टि जनाएकी छन् । 

संवैैधानिक परिषद्को सदस्य समेत रहेका उपसभामुख रानाले आफैंले सिफारिस गरेका प्रधानन्यायाधीश श्रेष्ठको शपथ ग्रहण समारोहमा नबोलाएपछि असन्तुष्टि जनाएकी हुन् ।

उनले महत्वपूर्ण कार्यक्रममा पार्टीका आकार हेरेर बोलाउने गरिएको भन्दै गुनासो समेत गरिन् । ठूला पार्टीका मान्छेलाई बोलाउने काम राम्रो नभएको उनको भनाइ छ । सभामुख देवराज घिमिरेलाई भने पत्र पठाएरै बोलाइएको थियो । प्रोटो समान रुपमा लागु हुनुपर्ने उनको भनाइ छ । सभामुखलाई पत्र आएको तर आफूलाई नआएपछि शपथ ग्रहण समारोहमा नगएको उनले बताइन् ।

समारोहमा उपराष्ट्रपति, प्रधानमन्त्री, सभामुख, राष्ट्रियसभाका अध्यक्ष, मन्त्रीहरु सहभागी थिए । उपसभामुख  राना संसदमा २० सिटसहित चाैथाे शक्ति रहेकाे रास्वपाकी हुन् ।