‘जेबी टुहुरे स्मृति’ पुरस्कार गीतकार पौडेललाई प्रदान गरिने

६ भदौ, काठमाडौं । ‘जेबी टुहुरे स्मृति स्रष्टा सम्मान–२०८०’को यस वर्षको पुरस्कार कवि, गीतकार तथा सामाजिक अभियन्ता अनिल पौडेललाई प्रदान गरिने भएको छ । 

उक्त पुरस्कार दोस्रो स्मृति दिवसका दिन यही भदौ १० गते काठमाडौंमा एक विशेष सांगीतिक कार्यक्रमाझ वितरण गरिने जेबी टुहुरे फाउन्डेसनले जनाएको छ । एक लाख रुपैयाँ  धनराशीको उक्त पुरस्कार प्रधानमन्त्री प्रचण्डबाट प्रदान गरिने फाउन्डेसनकी अध्यक्ष निर्भिका टुहुरेले बताइन् । 

वरिष्ठ जनगायक जुठबहादुर खड्गी अर्थात जेबी टुहुरेले मृत्यु पनि मान्छेपिच्छे फरक हुँदो रैछ, देशभक्त छोरो मर्दा देशै रुदो रैछ’ गीत जेबी टुहुरेले गाएका थिए । जुन गीत पौडेलले लेखेका थिए । 

२००१ साल कात्तिक १५ गते धरानको पुरानो बजारमा जन्मिएका जुजेबी टुहुरेले गीत संगीतको क्षेत्रबाट नेपालको वाम लोकतान्त्रिक आन्दोलन उठाउन महत्त्वपूर्ण योगदान गरेका थिए । उनका ‘बसाइँ हिँड्नेको ताँतीले’, ‘आमा दिदी बैनी हो’ जस्ता गीतहरू कालजयी छन् ।

हटहट्र्याक भएका टुहुरेको २०७८ भदौ १० गते काठमाडौंको वयोधा अस्पतालमा निधन भएको थियो । फाउण्डेशन उनी जीवित भएकै बेला २०७५ मा स्थापना भएको थियो ।