तस्करी सुनको छानविन गर्न बनाइने समितिको अधिकारबारे सिंहदरबारमा शीर्ष नेतासहित सचेतकको छलफल सुरु

६ भदौ, काठमाडौं । संसदमा प्रतिनिधित्व गर्ने दलका शीर्ष नेतासहित सचेतकको छलफल सुरु भएको छ । सिंहदरबारमा भएको छलफलमा प्रधानमन्त्री एवम् माओवादीका अध्यक्ष पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली लगायत दलका सचेतकहरू सहभागी छन् ।

हिजोका लागि तय भएको बैठक ओली बिरामी भएपछि आजका लागि सारिएको थियो । एमालेका अवरोधका कारण साउन १० गते यता सदन चल्न सकेको छैन । शीर्ष नेताहरूबीच सुन तस्करी प्रकरणबारे छानबिन गर्न समिति बनाउने सहमति जुटिसकेको छ ।

 छानविन समितिका लागि नेताहरु बसेर खाका तयार पारेका छन् । यही खाकालाई अन्तिम रुप दिन दलका शीर्ष नेताहरु छलफलमा जुटेका हुन । तस्करी सुनका छानविनका लागि बनाइले उच्चस्तरको समितिको स्वरुप र अधिकारबारे छलफल सुरु भएको हो ।