भव्य र सभ्य रुपमा बडी बिल्डिङ कम्पिटिसन सम्पन्न

६ भदौ, काठमाडौं । बडी बिल्डिङ कम्पिटिसन ‘नरेश सूर्या क्लासिक नेपाल’सम्पन्न भएको छ। तिन दिन सम्म नेपाल प्रज्ञा प्रतिष्ठानमा भएको कम्पिटिसनमा विजेताले नगद पुरस्कार संगै ट्रफी हात पारेका छन्। 

महिला फिजीक विजेता भक्तपुरकी जस्मिन योञ्जन, बडी बिल्डिङ ५५ केजी समूहमा भक्तपुरका सुरेश दुवाल,बडी बिल्डिङ ६० केजी समूहमा पोखराका कमल राज, बडी बिल्डिङ ६५ केजी समुहमा इटहरीका पुष्प शंकर,क्लासिक फिजीक १७० उदयपुरका दिलिप चौधरी र ओभरअल बडी बिल्डिङ भारतका किशोरले जित्न सफल भएका छन्। इन्डियामा प्रसिद्ध शोको फ्रेन्चाइजलाई नेपालमा ल्याएर गरिएको कार्यक्रम भव्य र सभ्य रुपमा सम्पन्न भएको छ।

खरेल अर्गनाइजेसनले आयोजना गरेको प्रतियोगितामा विभिन्न देशका गरेर १५० जना सहभागी भएका थिए। कार्यक्रममा सहभागी हुन बलिउड सेलिब्रेटी साहिल खान नेपाल आएका थिए। कार्यक्रममा विभिन्न देशका फिटनेसमा लगानी गर्न चाहने थुप्रै व्यक्तिहरूको समेत सहभागिता रहेको थियो। 

खरेल अर्गनाइजेसनका अध्यक्ष सज्ञान खरेलले यस्ता कार्यक्रमहरू नियमित रुपमा गर्दै जाने बताए। यस्ता कार्यक्रमले खेलाडीले आफूमा भएको प्रतिभालाई प्रस्फुटन संगै देश बिदेशमा ख्याती कमाउन सक्ने उनले बताए।