संघियता कार्यान्वयनको सहकार्य, सहअस्तित्वमा संघ र प्रदेश चुक्यो : मेयर सिंह

६ भदौ, वीरगञ्ज । संघीय मामिला तथा सामान्य प्रशासन मन्त्रालयको आयोजनामा बुधबार वीरगञ्जमा अन्तर सरकार समन्वय सुदृढिकरण सम्बन्धी अन्तरक्रिया कार्यक्रम सम्पन्न भएको छ ।

कार्यक्रममा प्रमुख अतिथिको रुपमा सहभागी भएका वीरगञ्ज महानगरपालिकाका प्रमुख मेयर राजेशमान सिंहले संघियता कार्यान्वयनको सहकार्य, सह अस्तित्वमा संघ र प्रदेश चुकेको बताएका छन् । 

उनले कार्यक्रममा बोल्दै मेयर सिंहले संघियता कार्यान्वयनमा सहकार्य, सहअस्तित्व र समन्वयमा चुनौती देखिएको र यसलाई सरलिकृत गर्दै लैजानु पर्ने आवश्यकता रहेको बताए। यस्तै प्रदेश र संघबाट हुने योजना कार्यान्वयन गर्दा स्थानीय तहसँग कुनै प्रकारको समन्वय नभएको भन्दै उनले असन्तुष्टि व्यक्त गरेका छन् ।

मन्त्रालयका सचिव डा. कृष्णहरी पुष्करको अध्यक्षतामा सम्पन्न बैठकमा प्रदेशका सचिव रामकृष्ण पुडासैनी, वीरगञ्ज महानगरपालिकाका प्रमुख प्रशासकीय अधिकृत लक्ष्मी प्रसाद पौडेल, प्रदेसका सुरक्षा संयन्त्रका प्रमुखहरु, पर्सा, बारा र रौतहटका प्रमुख जिल्ला अधिकारी तथा जिल्लास्थित सुरक्षा निकायका प्रमुखहरु, विभिन्न स्थानीय तहका प्रमुखहरुको उपस्थिति रहेको थियो ।