ग्रीन भेन्चर्सको नाफा १९० प्रतिशतले बढ्यो, प्रतिशेयर आम्दानी कति ?

६ भदौ, काठमाडौं । गत आर्थिक वर्षको चौथो त्रैमाससम्म आइपुग्दा ग्रीन भेन्चर्स लिमिडेटको नाफा ह्वातै बढेको छ । यसअवधिमा खुद नाफा १९०.३८ प्रतिशतले बढेर ३१ करोड ९० लाख ५९ हजार रूपैयाँ पुगेको छ । अघिल्लो वर्षको यसैअवधिमा यसले १० करोड ९८ लाख ७६ हजार रूपैयाँ नाफा कमाएको थियो । एक वर्षको अवधिमा विद्युत बिक्रीबाट हुने अम्दानी बढेकाले खुद नाफा पनि बढ्न सहयोग पुगेको हो ।

असार मसान्तसम्ममा विद्युत बिक्रीबाट हुने आम्दानी ६३.८६ प्रतिशतले बढेर १ अर्ब ५४ करोड ४५ लाख १५ हजार रूपैयाँ पुगेको छ । अघिल्लो वर्षको यसैअवधिमा यसले विद्युत बिक्रीबाट ९४ करोड २५ लाख ५८ हजार रूपैयाँ आम्दानी गरेको थियो । अघिल्लो वर्ष ५६ करोड ४५ लाख १६ हजार रूपैयाँ रहेको सञ्चालन आम्दानी असारसम्म ९४ कोड २ लाख ५१ हजार रूपैयाँ पुगेको छ । 

यता, नाफासँगै प्रतिशेयर आम्दानी पनि बढेको छ । एक वर्षको अवधिमा प्रतिशेयर आम्दानी ६ रूपैयाँ १३ पैसाले बढेर १० रूपैयाँ २१ पैसा पुगेको छ । प्रतिशेयर नेटवर्थ १०७ रूपैयाँ २२ पैसा छ । चुक्ता पुँजी ३ अर्ब १२ करोड ५० लाख रूपैयाँ छ । जगेडा कोषमा २२ करोड ५५ लाख २५ हजार रूपैयाँ छ ।