चार देशीय महिला क्रिकेट सिरिजमा नेपालको अर्को जित

६ भदौ, काठमाडौं । आईसी वुमन्स टी– २० एसिया क्षेत्र छनोटअघिको चार देशीय सिरिजको दोस्रो खेलमा पनि नेपालले जित निकालेकाे छ । मलेसियामा बुधबार सम्पन्न खेलमा नेपालले आज कुवेतलाई ३४ रनले पराजित गरेको हो ।

नेपाललाई जिताउन इन्दु बर्माले अलराउन्डर प्रदर्शन गरिन् ।  उनले ब्याटिङमा १९ बलमा २ चौका सहित २३ रन बनाइन् भने बलिङ तर्फ ४ ओभरमा १० रन खर्चेर ३ विकेट लिइन् ।

बायोमास क्रिकेट ओभलमा टस हारेर ब्याटिङको निम्तो पाएको नेपालले निर्धारित २० ओभरमा ८ विकेट गुमाउँदै ८९ रन बनाएको थियो ।

मंगलबार भएकाे पहिलाे खेलमा हङकङलाई ६ विकेटले पराजित गरेको थियाे । हङकङले नेपाललाई जितका लागि ८५ रनको लक्ष्य दिएको थियो । उक्त लक्ष्य नेपालले १५ दशमलव पाँच ओभरमा चार विकेटको क्षतिमा पूरा गरेकाे थियो ।

यो पनि पढ्नुहोस