मुख्यमन्त्री थापाविरुद्ध रिटको सुनुवाइ बिहीबार

६ भदौ, काठमाडौं । कोशी प्रदेशका मुख्यमन्त्री उद्धव थापा नेतृत्वको सरकार बर्खास्त गर्न अन्तरिम आदेश माग गर्दै बुधबार सर्वोच्च अदालतमा दायर गरिएको रिट निवेदनमाथि भाेलि बिहीबार नै सुनुवाइ हुने भएको छ । 

नेकपा एमाले कोशी प्रदेशको संसदीय दलका नेता हिक्मतकुमार कार्कीले रिट निवेदन दायर गराएका हुन् । उक्त रिटमाथि बिहीबार सुनुवाइ गर्ने गरी पेशी तोकिएको सर्वोच्च प्रशासनले जनाएको छ । 

भदौ ४ मा मुख्यमन्त्री थापाले प्रदेशसभाका कायम रहेका सदस्यहरुबाट विश्वासको मत लिने प्रस्तावमा प्रदेशसभा बैठक संचालन गरिरहेका सभाध्यक्ष इस्राइल मन्सुरीले मत दिएर असंवैधानिक कार्य गरेको भन्दै बदर गर्न परमादेश माग गरिएको छ । उनले सरकारको बदर गर्दै प्रदेशका सबैभन्दा ठूलो दल एमालेको नेतृत्वमा सरकार गठनका लागि परमादेश जारी हुनुपर्ने माग समेत गरेका छन् ।

यो पनि पढ्नुहोस